#EkZalak564.. સતેશ્વર મહાદેવના સાનિધ્યમાં અને લીલી ઝાડીઓથી ઘેરાયેલા ડુંગરો વચ્ચે યુવાસંઘ પશ્ચિમ કચ્છ રિઝિયન……

બરાબર 9.15 કલાકે સમાજવાડીની સામે 200 મીટરના એરિયામાં આવેલ ઇષ્ટદેવ ભગવાન શ્રી લક્ષ્મીનારાયણના સૌ કોઈ દર્શન કરીને પોતાની જાતને ધન્યતા અનુભવી હતી. 9.25 કલાકે સમાજવાડી થી પ્રકૃતિની ગોદમાં આવેલ સતેશ્વર ફાર્મ તરફ ગાડીઓનો રવાના થઈ હતી..

🔷 કંકુ ચોખા દ્વારા પૂજન..

યુવાસંઘ પશ્ચિમ કચ્છ રિઝિયનના લક્ષ્મીનારાયણ સ્વરૂપે હાજર ફેમેલી મેમ્બરનું સંગીત સંગાથે દીકરી હેપ્પી, મોક્ષીબેન ,ધ્વનિબેન પ્રવીણભાઈ માવાણી દ્વારા કંકુ – ચોખાનું તિલક કરીને પોતાને આંગણે પધારેલ મહેમાનો ને મીઠડો આવકાર આપી ને સત્કારવામાં આવ્યા હતા તેની આછેરી ઝલક નીચે ફોટો રૂપી..

🔷 ફેમેલી પરિચય સાથે શાનદાર સ્ટેજ સંચાલન કરતા તુલશીભાઈ લીંબાણી અને નીતિનભાઈ ભાદાણી..

મોટી સંખ્યામાં હાજર યુવાસંઘ પશ્ચિમ કચ્છ રિઝિયનના ગામે -ગામના હોદેદારો શ્રીઓ , કારોબારી સભ્યો પોતાની ફેમેલી સાથે જ્યારે યજમાન ખીરસરા અને સતેશ્વર ફાર્મના મહેમાન બન્યા ત્યારે તુલસીભાઈ અને નીતિનભાઈએ પોતાની આગવી શબ્દોની શાનદાર શૈલીમાં સૌનું ભાવભર્યું સ્વાગત કર્યું હતું સાથે કોઈ મોટા પરિવારનું મિલન થયું હોય અને મામેરા સાથે સરખામણી કરી હતી..

🔷 તમે હોદ્દો લીધો છે તો મને હાજરી અવશ્ય જોઈશે – પ્રમુખ , સેવક શાંતિલાલ નાયાણીની પ્રમુખ સ્થાનેથી રજુઆતમાં ટકોર..

ટાઇમના ચોક્કસ અને હાદ કરો ત્યાં હાજરા હજુર , અનેક સંસ્થાઓ સાથે જોડાયેલ એવા અનુભવી , સેવાભાવી પ્રમુખ સેવક શ્રી શાંતિલાલ ભાઈ નાયાણીએ અગામી બે- વર્ષ માટે તન,મનથી તમારો સમયદાન યુવાસંઘના કાર્યોમાં ચોક્કસ આપવો જ પડશે તેવી ટકોર કરી હતી..

છેવાળાના ગામડાઓ સાથે સંપર્ક માં શાંતિલાલ & ટીમ હરહંમેશ કનેક્ટ રહેશે અને તમે યુવાસંઘ પશ્ચિમ કચ્છ રિઝિયનની સ્વર્ણિમ ટીમ 2021 – 2023માં હોદ્દો લીધો છે તો તમને અવશ્ય હાજર તો રહેવું જ પડશે તેવું શાંતિલાલભાઈ એ જણાવ્યું હતું..
તો સલાહકાર શ્રી શૈલેષભાઇ પોકારે જણાવ્યું હતું કે યુવાનો જેટલા વ્યસનો થી દુર રહેશે તેટલી સમાજ પ્રગતિ કરશે સાથે શરીર પણ તંદુરસ્ત રહેશે તો YSK કમિશનર બાબુલાલ કેશરાણીએ જણાવ્યું હતું કે વધુમાં વધુ લોકો “યુવા સુરક્ષા કવચથી” જોડાઓ જેથી પાછળ પરિવારને આર્થિક રીતે પીઠબળ મળી રહે..

🔷 એકમાત્ર કચ્છ કડવા પાટીદારનો ઇન્ટરનેશનલ ક્રિકેટ પ્લેયર દિનેશ નાકરાણી..

હાલ જેમને T-20 ક્રિકેટ ફોર્મેટમાં સમગ્ર વિશ્વમાં વર્ષે 2021માં વધુ વિકેટ લેનાર, જેમને સમગ્ર જીવન ક્રિકેટ ને સમર્પિત કર્યું છે એવા મહેનતુ અને લાંબી સિક્સર મારવી તેના ડાબા હાથનો ખેલ એવા દિનેશ મગનભાઈ નાકરાણી યુવાસંઘ પશ્ચિમ કચ્છ રિઝિયન ના પરિવાર પરિચયમાં લક્ષ્મીનારાયણ સ્વરૂપે હાજરી આપી હતી.

🔷 ઉદાર દિલના દાનવીર એવા પ્રવિણભાઈ માવાણી સાથે તેમના ભાઈ મહેન્દ્રભાઈ અને પિતાશ્રી વાલજીભાઈની પરિવાર સાથે આછેરી ઝલક..

1 મહિના અગાઉ જ પ્રવીણભાઈ માવાણીએ મન થી ઠાની લીધું હતું કે યુવાસંઘ પશ્ચિમ કચ્છ રિઝિયનનો પ્રથમ સ્નેહ મિલન તો મારા સતેશ્વર ફાર્મ મધ્યે થાય અને એમાંય લક્ષ્મીજી સાથે આવે તો અમો ધન્યતા અનુભવશું. જે કાંઈ પણ ખર્ચ થશે તે બધો અમે કરીશું ,બસ તમે મહેમાન થઈને આવો એવો જેમનો મીઠડો આવકાર અને અતિથિ દેવો ભવ ની ભાવના જ પશ્ચિમ કચ્છ રિઝિયન ને ખેંચી લાવી..ઉદાર હૈયાના ભામાશા એવા મહેન્દ્રભાઈ , પ્રવીણભાઈ અને તેમના પિતાશ્રી વાલજીભાઈ માવાણીએ ત્યાં માહોલ અને પ્રેમભાવ જોઈને ફરી વખત પણ જો મારા આંગણે આવો રૂડો પ્રોગ્રામ થશે તો અમે આવકાર માટે તૈયાર છીએ..

🔷 પ્રીતિ ભોજનની આછેરી ઝલક…

સિડયૂઅલ પ્રમાણે સમયસર ચાલતો સુમધુર કાર્યક્રમમાં ખીરસરા રોહા નવયુવક મંડળના ભાઈઓ પ્રમુખશ્રી લખમશીભાઈ માવાણીના માર્ગદર્શનમાં રિઝિયન ને પ્રીતિ ભોજન કરાવતા નજરે પડે છે.

🔷 સ્પોર્ટ્સ કન્વીનર દ્વારા વિવિધ રમતોની આછેરી ઝલક..

બપોરબાદ ના મનોરંજન સેશનમાં સ્પોર્ટ્સ મંત્રી જીગર ભગત , ચંદ્રેશ રૂદાણી તેમજ નીતિનભાઈ ભાદાણી અને વિપુલભાઈ ધનાણી વિવિધ રમતોમાં “હાઉશી ગેમ , એક મિનિટ , સંગીત ખુરશી તેમજ બેસ્ટ ઢોલ કોમ્પિટિશન જેવી રમતો રમાડવામાં આવી હતી અને પ્રોત્સાહન રૂપે વિનરને હોદેદારો દ્વારા ઇનામો પણ આપવામાં આવ્યા હતા..

🔷 આભાર વિધિ….

યુવાસંઘ પશ્ચિમ કચ્છ રિઝિયનના મહામંત્રી શ્રી રાજેશભાઈ સાંખલાએ આભાર વિધિ કરતા ટૂંકમાં જણાવ્યુ હતુ કે છેવાડા ગામનો સભ્ય પોતાનો કિંમતી સમયદાન આપીને હાજરી આપી એ સંઘ પ્રત્યેની લાગણી દર્શાવે છે.આગળ પણ આવી જ રીતે જ્યારે હાકલ પડે ત્યારે હાજર રહેશો અને પોતાની જવાબદારી પ્રત્યે વફાદાર રહેશો.અત્રે ખીરસરા રોહા યુવક મંડળ નો પણ આભાર વ્યક્ત કર્યો હતો..